1291 luglio 21, nella Chiesa Maggiore a Pistoia.
In Christi nomine, amen. Arrigus condam Bonchristiani de cappella Sancti Petri in Strata vendidit iure | proprii Iohanni condam domini Iovannelli de cappella Sancti Salvatoris duo staiora unius petii terre pro indiviso | ex parte occidentis, positi in loco dicto Ad Braschetore, in plano de Stella, cui toti petii terre | dicuntur esse fines: a I Martini Bonaccursi, a II et III domine Belladonne relicte Ranuccii et a IIII dicti | Arrighi, vel si qui alii sunt ei fines veriores, cum omnibus accessibus, ingressibus et egressibus suis et cum omnibus infra se et supra | se positis, faciens et constituens dictum emptorem exinde dominum et procuratorem in rem suam. Que dicta duo | staiora suprascripti petii terre dictus venditor se constituit tenere et possidere vice et nomine dicti emptoris | et pro ipso emptore donec exinde possessionem intraverit corporalem, in quam intrandi eidem licentiam contulit | sua propria auctoritate, ad habendum, tenendum, possidendum, ususfructandum et exinde faciendum quicquid | sibi suisque heredibus deinceps facere placuerit iure proprii, sine contradictione ipsius venditoris eiusque | heredum et successorum. Quam venditionem et omnia et singula suprascripta et infrascripta promisit semper de cetero habere et te|nere firma et rata et contra non agere vel venire de iure vel de facto per se vel aliam | personam, nec agenti contra prebere assensum et de defensione et evictione dicte venditionis | ab omni persona et loco in curia et extra ipsius Arrighi expensis propriis, sub pena duppli pretii | infrascripti et obligatione sui suorumque heredum et, dicta pena soluta vel non, rato manente contractu. Cuius | rei et venditionis causa confessus fuit dictus venditor se habuisse et recepisse et apud se habere | a dicto emptore, nomine certi et prefiniti pretii dicte venditionisa, libras sexaginta bonorum denariorum florinorum | parvorum. Renuntians exceptioni non habiti et sibi non soluti pretii suprascripti et illi legi rem maioris pretii et omni | legum auxilio et conditioni sine causa vel ex iniusta causa. Qua venditione facta et celebrata, | in continenti dictus Iohannes locavit et concessit dicto Arrigo supradictab duo staiorac dicti petii terre | ad annuum affictum seu redditum X ominas boni et sicci frumenti et ratidi ad rectam ominam vendi|talem civitatis Pistorii, a Kalendis augusti proximis venturis ad XX annos proximos subsequentes, red|dendum et prestandum annuatim de mense augusti suprascripto Iohanni vel eius heredibus in civitate Pistorii | ad habiturium ipsius Iohannis de dictis duobus staioribus terre. Quod affictum dictarum X ominarum | frumenti dictus Arrigus promisit et convenit stipulatione solempni dicto Iohanni reddere et prestare eidem | Iohanni vel eius heredibus, ut dictum est, annuatim de mense augusti, sub pena duppli rei; unde | ageretur et refectione dampnorum et expensarum litis et extra et obligatione sui suorumque heredum et bonorum | ex pacto. Quam locationem dictus Iohannes promisit et convenit dicto Arrigo habere et tenere firmam | et ratam et defendere et exbrigare suis propriis expensis in curia et extra ab omni persona | et loco dicto Arrigo, sub pena dupli rei; unde ageretur et refectione dampnorum et expensarum | litis et extra et obligatione sui et suorum heredum. Renuntiantes predicte partes omni eorum et cuiusque eorum iuri et | exceptioni et legum auxilio in totum quo vel quibus ipse partes vel aliqua earum se possent a | predictorum observatione defendere vel tueri. Hoc actum fuit expresse interdictos | contrahentes quod, finitis et completis dictisd XX annis, dictus Arrigus et eius heredes sint | liberi et absoluti a prestatione dicti afficti facienda dicto Iohanni vel eius heredes de dictis duobus | staioris terre. Et dicta duo staiora terre redeant et revertantur ad dictum Arrigum | et heredes ipsius Arrighi libere et expedite sine aliquo pretio dando vel solvendo | eidem Iohanni vel eius heredibus. Et dictus Iohannes vel eius heredes tunc teneantur sibi Arrigo vel eius heredibus | cartam revenditionis facere de dictis duobus staioris terre sine aliquo pretio, ut dictum est, | sub pena LX librarum bonorum denariorum florinorum parvorum et obligatione sui suorumque heredum et bonorum. Actum in | Ecclesia maiori Pistoriensi, presentibus presbitero Çenone rectore ecclesie Sancti Martini | de Groppore et presbitero Dominico rectore ecclesie Sancti Mamme Pistoriensis diocesis et | Puccio Bonveri de Crespore, testibus ad hec vocatis et rogatis. Sub anno dominice nativitatis millesimo CCLXXXXI, indictione IIII, die XXI mensis iulii.
(SN) Ego Stephanus condam Diedis imperiali auctoritate iudex ordinarius atque | notarius predictise omnibus interfui et rogatus ea scripsi et publicavi.
a. -d- corr. su altra lettera b. -d- su corr. c. -ta- corr. da altre lettere d. -i- corr. da a e. -s corr. su altra lettera