1257 agosto 23, Pistoia.
In Christi nomine, amen. Cum Grathiadei quondam domini Vescontini de Alliana fecisset, | constituisset suum procuratorem et negotiorum gestorum Arrigum fratrem suum et quondam dicti | domini Vescontini in omnibus et super omnibus suis bonis et super denariis mutuandis et super omnibus | [s]uis n[e]gotiis facendis, ut continetur in carta facta manu Gualfredi notarii, et dictus Arrigus | [de ne]gotiis ipsius Gratiadei fecisset et contraxisset et de bonis suis vendidisset et contractus fecisset | [de ipsius] bonis ad eius manus pervenisset, dictus Grathiadei liberavit et absolvit predictum Ar|[rigum] et eius heredes et bona ab omni eo et toto eo quod petere vel exigere posset quacumque de causa | predicto Arrigo, sive occasione denariorum ipsius Gratiadei mutuatorum a dicto Arrigo sive fruc|tuum et usurarum perceptarum de dictis denariis sive aliquorum fructuum perceptorum a dicto | Arrigo de bonis ipsius Gratiadei sive pretiorum habitorum a dicto Arrigo de venditionibus | aliquorum bonorum ipsius Gratiadei […........] alicuius depositi vel comandisie facte a dicto | Gratiadei ipsi Arrigo de aliq[uibus] denariis vel instrumentis vel quacumque alia de causa, faciens | eidem Arrigo suprascriptus Gratiadei finem [et re]futationem, transsactionem, pospositionem et pactum de cetero de non petendo | ipsi Arrigo de omnibus supradictis et de omni et toto quod ei petere posset vel exigere posset | ipsi Arrigo quacumque de causa et ita quod nil iuris versus eum de omnibus supradictis sibi in hantea re|servaverit et promisit dictam finem seu refutationem firmam et ratam habere et contra non venire aliquo | modo vel ingenio et de omni suo dolo, fraude, colludio et alienatione et obligatione sua retro | non factis alicui persone vel loco de predictis vel altera predictorum, obligavit exinde se et suos heredes et bona | sub pena dupli pretii suprascripti eidem Arrigo solempni stipulatione promissa, et pena soluta vel non, rato | [man]ente contractu. Pro qua fine et refutatione dictus Gratiadei fuit confessus in veritate se habuisse | [et r]ecepisse a dicto Arrigo libras LV bonorum denariorum Pisanorum minute monete et renuntiavit exceptionem | non [numerati] et non soluti pretii et exceptionem non numerate sibi pecunie suprascripte et omni iuri et exceptioni et auxilio legum quo | vel quibus se posset a predictis defendere vel tuere, conditioni sine causa vel ex iniusta causa et illi legi | rem maioris pretii et omni iuri sibi competenti propter ea. Actum Pistorii, in porte Gaialdatiche, ante | domum domini Rustichelli Lazarii, presentia domini Barricordate iudicis, filii domini Rustichelli, | Gherardi Ubertini, Rustichelli Lanfranchi de Alliana, Arrigi Inghilberti et domini Lazarii | Lanfranchi et aliorum testium rogatorum. Anno Domini a nativitate MCCLVII, indictione XV, X Kalendas septembris.
(SN) Ego Lamfranchus quondam Ricordantis sacri palatii notarius, iudex ordinarius | predictis omnibus interfui et ea omnia rogatus suprascriptorum contrahentium scripsi fideliter et publicavi.