stampa
1270 novembre 30, Agliana.
In Christi nomine, amen. Iuncta et Puccius fratres et filii condam Bencivenni | de Alliana, ambo similiter et uterque eorum in solidum, confessi fuerunt sese habuisse et recepisse | m[u]tuo a domina Dolcedonna condam Pratesia de Aiuolo, mutuante vice | ac nomine Pratesi sui filii et de sua pecunia, solidos XXXI et denarios VI bonorum denariorum Pisanorum. | Quas et quos promiserunt et convenerunt ipsi et uterque in solidum dicte creditrici reddere, | pagare et restituere hinc ad unum mensem proximum venturum; omni exceptione et defensione | exinde remotis et omnia dampna et expensas et nuntii vectigalia, que propterea fierent in | causa et extra, resarcire promiserunt ad penam dupli pecunie suprascripte creditrici; et stando | de dampnis et expensis verbo sinplice dicte creditrici secundum ius vel aliam probationem. Obligantes exinde | se et eorum heredes et bona et quilibet eorum in solidum. Renuntiantes exceptioni non habite et | non numerate eis pecunie suprascripte et in solidum et auxilio epistole divi Adriani et a ultimo de | duobus reis debendis et omni alii eorum iuri et fori privilegio et legum auxilio. Unde | ego Hentius notarius infrascriptus, sequens formam capituli constituti civitatis Pistorii, precepi dictis | debitoribus et in solidum volentibus et confitentibus quatinus predicta debeant observare, ut dictum est. | Actum Alliane, coram Locto condam Gherardi et Grathino condam Locterii | testibus rogatis. Anno Domini a nativitate MCCLXX, indictione XIIII, die ultimo mensis | novenbris.
(SN) Ego Hentius, filius Dulcepti, inperiali | auctoritate iudex ordinarius atque notarius, predictis omnibus | interfui et rogatus scripsi et publicavi.
a. -t- corr. su altra lettera
stampa