1317 gennaio 20, presso l'abbazia di San Baronto (Pistoia).

In Dei nomine, amen. Anno eiusdem nativitatis millesimo trecentesimo decimo septimo, indictione XV, die vige|simo mensis ianuarii. Tighus condam Martini de Pistorio per verba de presenti consensit in dominam | Miniatam filiam olim Maççei domini Rambotti dicti loci tamquam in suam uxorem legiptimam dicendo: | «Ego volo te et in te consentio tamquam in meam uxorem legiptimam». Et etiam dicta domina Mini|ata similiter per verba de presenti consensit in eundem Tighum tamquam in suum virum legiptimum | dicendo: «Ego volo te et in te consentio tamquam in meum virum legiptimum». Qui Tighus, nomine mete | exstimate sive propter nuptias, donavit dicte domine Miniate sue peramabili uxori libras quindecim florinorum parvorum, | videlicet super omnibus suis bonis mobilibus et immobilibus, presentibus et futuris. Pro dote autem et dotis nomine | dicte domine Miniate confessus et contentus fuit in veritate dictus Tighus habuisse et recepisse ab ipsa | domina Miniata libras centum quinquaginta^a bonorum denariorum florinorum parvorum. Renuntians exceptioni sibi non date, non numerate | et non recepte dotis et quantitatis suprascripte et omni alii suo iuri et legum auxilio in totum. Promittens, conveniens | et constituens dictus Tighus per se et suos heredes, stipulatione solempni, dicte domine Miniate, recipienti et stipulanti pro se | et suis heredibus, dicta sua bona pro dicta donatione ab omni persona et loco legiptime defendere et sbrigare et omnia et | singula suprascripta et infrascripta semper firma et rata habere et tenere et contra non facere vel venire et dictam dotem | et donationem reddere et restituere dicte domine Miniate, vel cui de iure restitui debuerit, in omnem | casum et eventum dotis et donationis restituende secundum modum et consuetudinem civitatis et Pistoriensis | diocesis, sub pena dupli dicte dotis, stipulatione promissa; qua soluta vel non, rato manente contractu et | pene promissionis; item reficere et emendare sibi omnia et singula dapna et exspensas hac interesse | litis et extra, sub obligatione sui suorumque heredum et bonorum presentium et futurorum. Qui Tighus, coram me | notario et testibus infrascriptis, ipsam anulavit in dicito anulari causa effecti sue uxoris; et ipsa recepit | anulum a[b] eodem causa effecti sui viri. Cui Tigho volenti et confitenti, ego Phylippus notarius et iudex | ordinarius infrascriptus, nomine sacramento et per guarentigiam, precepi ex licentiam mihi concessa a statuto comunis Pistorii omnia et | singula suprascripta observari dicte domine Miniate ut superius promisit et plene scriptum est. | Actum in habatia Sancti Baronti Pistoriensis diocesis; presentibus Giorgio Cianfi, donno Iohanne Venture | dicte^b habatie monaco, Nierio Nieri et presbitero Bartolomeo familiari et presbitero dicte | habatie, testibus ad^c hec vocatis et rogatis.

(SN) EGO Phylippus condam Iacopi de Carmignano imperiali auctoritate notarius publicus et | iudex ordinarius predictis omnibus interfui et ea omnia rogatus scripsi et fideliter publicavi.

a. q(ui)nqu- corr. da nona                                b. precede Ni cassato con un tratto di penna                              c. -d corr. da b