1293 marzo 5, nel Palazzo Comunale a Pistoia.

In nomine Domini, amen. Venientes ante presentiam dominorum Ghini de [...20...] Tancredi iudicum | causarum Comunis Pistorii, successorum dominorum Braccii Mergulliesi et R[...13...] iudicum causarum Comunis | Pistorii, domina Iacoba relicta Melli Bonisengne et filia condam Veronesis, tu[tr]ix Chiarine et | Angnese filiarum condam dicti Melli, et Denarius Francisschi notarius, curator Melline filie condam | dicti Melli, curatorio nomine pro ea, petierunt a dictis Ghino et Tuscino iudicis suprascriptis quod, auctoritate eorum officii | et secundum formam iuris et statuti Pistorii, darent et concederent dicte domine Iacobe, tutorio nomine^a pro dictis pupillis, et dicto Dena|rio, curatorio nomine pro dicta adulta, et ipsis pupillis et adulte, de bonis Ammanati Mellii cappelle Sancti Pauli | in banniti Comunis Pistorii usque in quantitatem librarum CCC denariorum. Quas CCC libras dicte pupille et adulta in^b bonis | dicti Amannati habere et recipere debent in solutum et pagamentum usque in quantitates supradictas, ita quod [cui]llibet | earum pro libris C denariorum; quas C libras quellibet earum habere et recipere debent in dictis bonis et eis et cuillibet [eorum] | relicte fuerunt a Mellio Bonisengne condam patre earum in suo testamento, ut de predictis in dicto | testamento plenius continetur et pro expensis factis et faciendis. Quare dicti domini Ghinus et Tuscinus iudices | suprascripti, visis^c dicta petitione et requisitione facta de dicto Amannato per Duscium Franchi nuntium Comunis Pistorii tamquam in banno | Comunis Pistorii quod veniret ad vendendum bona sua pro satisfaciendo creditoris suis et alia requisitione | facta per dominum nuntium publicum et alta voce in convicinia, ubi habitare consuevit dictus Amannatus, quod, si qua | persona esset que vellet bona dicti Amannati emere, vendicare, defendere, contrariare, vel aliquod ius petere | in dictis bonis, veniret coram dictis dominis Braccio et Ricciardo iudicis suprascriptis et banno bonorum eius publice | misso in platea Comunis Pistorii per […….], publicum preconem Comunis Pistorii^d infra VIII dies | et acta et visa electione facta de Vanne Coppie et Dança Ricchi cappelle Sancti Pauli, arbitrorum electorum per | dictos iudices ad investigandum et arbitrandum bona dicti Amannati et eorum iure et arbitrio facto per eos de dictis | bonis, ut de predictis receperunt banno electionis et eorum iure et arbitramento continebatur in publico instrumento scripto | manu Iacobi Bonati notarii, tunc scribe dictorum dominorum Braccii et Ricciardi iudicum, et omnibus cause meritis diligenter | inspectis, habito etiam super predictis consilio prudentium virorum dominorum Neri domini Berti et Iuncte | Parllerii iudicum, Dei nomine invocato auctoritate eorum officii, secundum formam iuris et statuti Pistorii, dederunt | et concesserunt in solutum et pagamentum de dictis bonis dicti Amannati, arbitratis^e per dictos arbitros, predictis | domine Iacobe tutrici suprascriptarum pupillarum, tutorio nomine pro dictis pupillis, pro libris CC denariorum, ita quod pro quallibet | earum pro libris C, et dicto Denario curatori, curatorio nomine pro dicta adulta, pro libris C denariorum, im primis: unum | petium terre positum ad Mitricoio, in territorio de Casale, fines: a I via, a II et a III ser Tani domini Galliçiarii, a IIII | Iusti, petium extimatum per dictos arbitros libris XLV denariorum parvorum pro ipsis XLV libris. Item unum aliud petium terre positum | a Colli Finare, in territorio de Casale, fines: a I via, a II Amorosi Bonacursi, a III et a IIII Salvi Guidalostis, | extimatum per dictos arbitros libra una pro dicta una libra. Item unum aliud petium terre positum in dicto loco, confinantem: | a I et a II via, a III Paulini Amorosi, a IIII Amannati Singnorelli, extimatum per dictos arbitros solidis XX denariorum. | Item unum aliud petium terre positum in dicto loco, in Vicaio, fines: a I domine Iacobe uxoris Mellii, <a II> Iusti Accursi, a III | Iusti Petri, a IIII heredum^f Inselmuccii Trallingnati, extimatum et arbitratum per dictos arbitros libris CL denariorum parvorum.| Item tantum de duobus domibus positis in cappella Sancti Pauli, cum camera mediante, fines: a I via, a II et III | heredum Aldibrandini et heredum Ravallini, a IIII Pisani Mellii, extimatis per eos libris CLXX denariorum parvorum; quod | capiat et valeat usque in quantitatem librarum CIII pro sorte et usque in quantitatem librarum XV denariorum pro expensis pro tam | factis a dictis domina Iacoba et Denario, taxatione premissa a dictis iudicis, sacramento primo prestito a predictis domina Iacoba | et Denario quod tantum expenderunt et ultra in dicta causa, ita videlicet quod dicta domina Iacoba tutorio nomine | pro dictis pupillis libras X et dictus Denarius libras V, curatorio nomine pro dicta adulta, ponendo dictam tutricem | tutorio^g nomine pro dictis dictum Denarium curatorem curatorio nomine pro dicta adulta in locum | dicti^h Amannati ut de cetero semper agant, experiantur et quicquidⁱ voluerint inde faciant, sicut ipse Amannatus | facere poterat, faciendo eos dominos et procuratores in rem ipsorum pupillorum et adulte et concesserunt et dederunt licenciam | et auctoritatem Ceccho Benvenuti nuntio Comunis ut ipsam dominam Iacobam tutorio nomine pro dictis pupillis et dominum | Denarium curatorio nomine pro ipsa adulta et ipsas pupillas et adultam induceret et intraret in corporalem | tenutam et possessionem dictorum petiarum terre et domorum pro quantibus eis et cuillibet earum in solutum da[..]rum et con[c]essionum, salv[o] | et reservato dicte domine Iacobe omni suo iure quod habet in suprascripto petio terre posito in territorio de Casale, cui sunt | fines: a I via, a II terra affictareccia hospitalis Misericordie, a III domini Tani domini Galliçiani, a IIII Iacobi | Bonacteri, pro libris LXX denariorum parvorum secundum quod in protestatione quam fecit coram suprascriptis dominis Braccio et Ricciardo | iudicis, continente et salvo et reservato quod si dicta petia terrarum et domos eisdem tutrici et curatrici pro dictis pu|pillis et adulte vel dictis | pupillis et adulte^j evincerentur aliquo tempore in to[t]um vel in partem quod ex nunc pristina | eorum iure sint eis et cuillibet earum integra et illexa pro ea quantitatate que eis evicta essent, ita quod per | hanc dationem in solutum nullum eis vel altera earum preiudicium generetur. Actum Pistorii, sub pa[la]tio Comunis ubi | dicti domini Ghinus et Tuscinus iudices suprascripti pro tribunali sedebant, presentibus Niccoluccio Rugeri, Bonone Pieri, | Agolante Bonifatii et Iacobo Mercatuccii testibus rogatis. Anno Domini a nativitate MCCLXXXXIII, indictione VI, [d]ie | iovis^k V marçii.

(SN) Ego Guido quondam domini Ranuccii, imperiali auctoritate iudex ordinarius adque notarius et nunc publicus | scriba predictorum dominorum Ghini et Tuscini iudicum suprascriptorum pro Comuni Pistorii predictis^l interfui | et rogatus et de mandato dictorum iudicum subscripsi et publicavi.

a. nomine aggiunto nell'interlineo sup.       b. i- corr. su altra lettera                  c. A vis(is) con segno abbr. corr. sopra o      d. Segue quod si qua persona esset que | vellet bona dicti Amannati emere, vendicare, defendere, contrariare, vel aliquod ius petere in dictis bonis, | veniret coram dictis dominis Braccio et Ricciardo iudicis suprascriptis et banno bonorum eius publice misso ripetuto: et banno-misso è cassato con un tratto di penna                      e. -ti- corr. su altra lettera                                f. heredum aggiunto nell'interlineo sup.      g. -o corr. da i                               h. -i corr. su primo tratto di o                          i. -c- corr. da d                     j. vel dictis pupillis et adulte (-e corr. da a) ripetuto                               k. -s corr. su altra lettera                  l. seconda i corr. su altra lettera